PRODUKTE * LANDBOUONTWIKKELING * GRAAN BESTELVORMS

Overberg Agri se produkte-afdeling behels hoofsaaklik die opberging en hantering van graan wat in groot toegeruste praktyk aangepaste silo's opgeberg en hanteer word.

Overberg Agri is die grootste opberger van moutgars in Suid - Afrika. Die totale bergingskapasiteit beloop ongeveer 300 000 ton met depots te Bredasdorp, Klipdale, Protem, Napier, Rietpoel, Krige en Caledon. Die afdeling beskik ook oor twee saadaanlegte, waar jaarliks ongeveer 10 000ton saad skoongemaak en versprei word.  Ander aktiwiteite van hierdie afdeling sluit in 'n Landbou-ontwikkelingsafdeling waar goed opgeleide personeel produsente van raad en bystand verleen ten opsigte van allerlei tegniese aspekte van die verskillende produksiefasette.

Om Ondersteuning hieraan te gee beskik Overberg Agri oor 'n volwaardige boerderyeenheid te Caledon wat ook as proefplaas gebruik word. Verskeie navorsingsprojekte word hier middel van proefplantings en ander proewe gedoen. Overberg Agri is ook gevestig as ‘n belangrike rolspeler in die fasilitering van die bemarkingsproses van alle graan en is ook direk betrokke in die bemarking van veral voergrane.