Ons kykers is vandag in vir ‘n groot bederf, want een van Overberg Agri se entoesiastiese besproeiingskundiges, Tian Lourens, neem ons op ‘n uitstappie na een van die streek se mees gesogte toeriste-aantreklikhede—Creation Wines.

Met talle ander toekennings onder die belt is Creation Wines ook onlangs in die Top 10 wêreldwyd en nommer 1 in Afrika geplaas tydens die Wêreld se Beste Wingerde-toekennings vir 2021. In die lig van hierdie wonderlike prestasie gesels Tian met Creation Wines se bekwame wynmaker, Gerhard Smith, en toegewyde Plaasbestuurder, Gerhard Bruwer, oor die rol wat besproeiing speel om die landgoed te help om wyn van die hoogste kaliber te produseer.

Ontspan, kry vir jou ‘n koffie en ‘n beskuitjie, en sluit by ons aan vir ons volgende episode van “Koffie Tyd”.