20250711 Friday ( Sunrise = 07h47 Sunset = 17h48 )

Die kouefront beweeg oor die land in en beweeg tot die Sutherland - Mosselbaai lyn voor dit ligter word maar neerslag sal terselfdertyd kuslangs tot die Oos-Kaap uitbrei.

20250712 Saturday ( Sunrise = 07h47 Sunset = 17h49 )

Die Atlantiese Hoogdruk rug suid om die land met neerslag wat kuslangs tot die Ooskus omskuif. Dit sal ook tot KZN uitbrei maar sonder baie reën.

20250713 Sunday ( Sunrise = 07h47 Sunset = 17h50 )

Aanvanklik nog klammer weer in die noordooste maar dit klaar gou op tot landwye mooiweer. 'n Kouefront is reeds op pad met voorfrontale reën wat later teen die Weskus verwag word maar nie baie nie.

20250714 Monday ( Sunrise = 07h46 Sunset = 17h50 )

Die kouefront kwyn weg voor dit bly die Kaap uitkom wat beteken dat ons nie veel uit dit kan verwag nie. Daar mag later dalk 'n paar druppels in die Knysna omgewing wees maar dit is omtrent dit.

20250715 Tuesday ( Sunrise = 07h46 Sunset = 17h51 )

Oorblyfsels van die kouefront beweeg oor die Kaap in maar dit lyk of net die Skiereiland self is wat 'n bietjie reën sal kry terwyl die res van ons droëmond bly. Die noordooste van die Oos-Kaap sal wel 'n paar slukkies kry maar daar ook... nie veel nie.

20250716 Wednesday ( Sunrise = 07h46 Sunset = 17h51 )

Neerslag teen die Ooskus skuif tot die KZN se kus maar dit bly maar lig en min van aard. Die res van die land bly mooiweer maar koud.

20250717 Thursday ( Sunrise = 07h45 Sunset = 17h52 )

'n Hoogdruk lê op hierdie stadium oor die oostelike helfte van die land met landwye mooiweer. Daar is egter 'n kouefront op die horison.

20250718 Friday ( Sunrise = 07h45 Sunset = 17h53 )

Die kouefront beweeg oor die Kaap in met koue en reën. Hierdie front lyk steeds belowend en mag moontlik ook bietjie sneeu oor die Bolandse berge bring maar ons sal dit dophou. Die res van die land bly voorlopig mooiweer maar koud.

20250719 Saturday ( Sunrise = 07h44 Sunset = 17h53 )

Die Atlantiese Hoogdruk rug suid om die land en bring aanvanklik neerslag tussen die suidelike berge en see maar dit sal later kuslangs tot die Ooskus omskuif.

20250720 - 20250725

Teoreties behoort dit tot die 22ste landwyd mooiweer te bly maar daar is dalk 'n kans dat 'n steuringkie in die bolug op die 22ste kan ontwikkel wat die kaarte dalk deurmekaar kan krap maar ons sal dit dophou... Buiten dit... behoort daar steeds 'n kouefront op die 23ste te wees maar na dit bly dit mooiweer tot die 25ste rond... Ons hou duime... (Volgende Voorspelling :- Sondag 21h00) ... Vrae of kommentaar... weather@twk.co.za.

Legend