20260218 Wednesday ( Sunrise = 06h23 Sunset = 19h32 )

Die binnelandtrog lê steeds oor die westelike binneland terwyl dit op hierdie stadium verdiep. Donderweer sal dus meer gretig maar steeds 'n strook van Upington tot die Oos-Kaap ontwikkel. Die strook tussen die oostelike platorand en see kan ook donderweer verwag maar dit sal stelsels sonder drif wees. Verder ontwikkel 'n laagdruk teen die Suidkus en bring klammer weer oor die Overberg en Suid-Kaap.

20260219 Thursday ( Sunrise = 06h23 Sunset = 19h31 )

Die laagdruk teen die Suidkus bring aanvanklik nog bietjie reën oor die Overberg en Suid-Kaap maar dit sal teen die middag opklaar. Donderweer in die binneland sal ook minder word en ook nie verder suid as Van Wyksvlei ontwikkel nie maar dit bly reënerig tussen die oostelike platorand en see.

20260220 Friday ( Sunrise = 06h24 Sunset = 19h30 )

Donderweer in die binneland skuif verder noord en sal noord van die Upington - Prieska - Volksrust lyn voorkom met net die Limpopo wat donderweer gespaar bly. Verder bly dit reënerig tussen die oostelike platorand en see terwyl die Oos-Kaap ook ontwikkeling kan verwag. Enkele los donderselle mag moontlik in die onmiddellike binneland van die Suid-Kaap voorkom. Dit sluit die Langkloof in.

20260221 Saturday ( Sunrise = 06h25 Sunset = 19h28 )

Binneland donderweer skuif tot Gauteng en Mpumalanga asook die oostelike helfte van die Vrystaat. Dit bly egter nat tussen die oostelike platorand en see. Verder herontwikkel die binnelandtrog oor die westelike binneland met donderweer wat vroegmiddag by Vioolsdrif oor land begin inkom.

20260222 Sunday ( Sunrise = 06h26 Sunset = 19h27 )

Die binnelandtrog verdiep oor die westelike binneland en verleng terselfdertyd verder suid. Donderweer sal op hierdie stadium in 'n breë strook oor land ontwikkel. Die westelike grens daarvan strek van Vioolsdrif al met die westelike platorand tot Agulhas in die suide en die noordgrens sal tussen Rustenburg en Hoedspruit lê. Alhoewel donderweer hoofsaaklik lukraak en verspreid voorkom sal dit digter saampak in die Suid-Kaap se binneland.

20260223 Monday ( Sunrise = 06h27 Sunset = 19h26 )

Donderweer sal uit die weste opklaar met die wesgrens wat tot die Upington - Humansdorp lyn skuif maar die noordgrens lê steeds tussen Rustenburg en Hoedspruit.

20260224 Tuesday ( Sunrise = 06h28 Sunset = 19h25 )

Donderweer skuif verder noord met die hele land noord van die Potchefstroom - Volksrust lyn wat lig en verspreide donderweer kan verwag. Nuwe donderweer sal egter in die weste van KZN en teen die oosgrens van Lesotho ontwikkel.

20260225 Wednesday ( Sunrise = 06h29 Sunset = 19h24 )

Die hele land noord van die Prieska - Volksrust lyn kan steeds donderweer verwag maar dit sal op hierdie stadium digter saampak oor die Noordwes Provinsie en Gauteng. KZN kry steeds los donderselle maar niks groots nie.

20260226 Thursday ( Sunrise = 06h30 Sunset = 19h23 )

Die binnelandtrog hervorm weereens oor die westelike binneland met nuwe donderweer wat uit die suide van Namibië oor die Noord-Kaap inkom. 'n Laagdruk wat teen die Suidkus ontwikkel bring later ook 'n bietjie reën oor die Overberg en Suid-Kaap.

20260227 - 20260305

Donderweer sal op die 27ste kwynend oos skuif maar 'n nuwe strook donderweer kom op die 28ste weer oor die westelike binneland in. Dit sal ook tot die Suid-Kaap uitbrei waarna die hele strook donderweer van die 1ste tot 3de geleidelik tot die Limpopo skuif. Teen die 3de sal 'n kouefront terselfdertyd teen die Suidkus verby skraap met bietjie reën waarna die Atlantiese Hoogdruk op die 4de suid om die land rug met reënweer wat dan kuslangs tot die Ooskus omskuif en op die 5de tot die Laeveld skuif... (Volgende Voorspelling :- Donderdag 21h00) ... Vrae of kommentaar... weather@twk.co.za.

Legend